Monday, August 27, 2007

Ecological Crisis: Thalaite Thlirna Atangin. Maxwell Lalrodinga Sailo, M.Th II Gurukul.

“Nature has enough to satisfy everyone’s need,but not to satisfy the greeds of even a few.” - Mahatma Gandhi
Ecology (‘oikos’ - in/inchhung) leh ‘logos’ (thu/zir) tih hi German biologist Ernst Haekel a phuah a ni a. Ecology tih awmzia chu thil nunna nei emaw nei lo emaw inkungkaih dan te, in mamawhtawn dante zirna kan ti thei ang. Kan inchhung/chenna theuhah chuan kan nihna tak a lang thin a. Chutah chuan a chengate pawh kan innel a, kan in hrechiang bawk a, harsatna leh lawmna pawh kan tawk za thin a ni. Chutiang chiah chuan kan chenna khawvel hi inchhung angin kan en tur a ni. Ecology hi G-8 summit hnuhnung berah pawh khan agenda sawi hlawh ber a ni a. Heng sik leh sa inthlak hian mu leh mal a nei tawh lo a, mihring dam hun chhung a tawi tial tial ang a, hri tam tak a leng bawk dawn a ni.
India pumpui kan thlir chuan, electronic bungraw chhia paih khawm hi kum khat chhung ringawt pawhin ton 1, 46, 180 laia rit a ni thin! Chennai pawh hi E- Waste tamna a ni. Environment lama mi thiamte chuan E-Waste hian tur (poison) chi hrang hrang 1, 000 vel mihring leh thil nung dangte tana hlauhawm a keng tel an ti lehnghal! E-Waste a ‘Barium’ phei chu lung leh thin tan a hlauhawm hle a, computer chhia, mother board ah pawh hian ‘Beryllium’ a awm a, chu chuan cancer a thlen thei a ni. Heng bakah hian floppy disk a ‘chromium’ te, battery leh computer monitor a ‘lead’ te, alkaline battery a ‘mercury’ te leh a dang tam takte hi mihring hriselna atana hlauhawm vek an ni.
Changkannate hi do mah ila kan do hneh dawn chuang lo. Hei aiin min la nek na tulh tulh zawk ang a, chutah chuan a hman thiam dan tur kan zawng zawk tur a ni. Kan Bible-in “Chawlhni hi mihring tana siam a ni a, mihring hi Chawlhni tana siam a ni lo” a tih ang khan technology hi mihring tana siam a ni a, mihring hi technology tana siam a ni lo, ti ve pawp mai teh ang. Heng thil thleng mek hi kan uipui tui lian thlir mai mai a, kan lo khauphar thawven ve ringawt a nih phei chuan future a bright vak lo mai thei a ni. Kristiante’n abik taka kan puan ven kan sawi chhin a hun ta. Tin, a pawi em em chu miretheiten an tuar nasa ber zel tur hi a ni.
Jeremia chuan “Ram chuan eng chen nge a sun ang a, ram pum pui thlaite chu an vuai ang? A chengate suahsualna avangin ramsate chu an ral zova, savate pawh;” (Jer. 12: 4) Thang leh thar lo awm zel turte tana chenna tlak (inhabitable earth) khawvel hnutchhiah hi kan tihtur a ni.

Sunday, August 26, 2007

CMWA Min pe kan sutpui turin-Samuel Vanalalremruata,I B.A MCC.

Thing delh leh lungdelh loh Zofate,
Zirna run kaiin Chennai khawpui kan chuan e.
Suihlungrual ten pheilai kan vawr,
Kan leng dial dial Zonunmawi nen.
Lunglen,khawhar,di ngaih sawi lovin,
Hlimten kan leng sakhmelmawi nui hiau a inchhawn in.
A nuam ngei e,Zohnahthlak nih.
Mizo kan ni,kan hmel a tha.
A relthiam ngei e Khuanu'n
Sakhming mawi CMWA min pe kan sutpui turin.
Kan lungngaih mangan min hnem tur an,
An changrel a sual ngai lo e.
Vul zel nang che CMWA, Zofate.

Tuesday, August 21, 2007

Monday, August 20, 2007

Friday, August 3, 2007

Monday, July 30, 2007

Chennai-ah Mizo Pun Belh

Tunhma deuh kha chuan Chennai hi Mizoram atanga a hlat tham deuh avangte pawh aniang, Mizote hian kan bawh lutuk lo va.Tunhnai deuh atang eroh kha chuan India rama zirna hmun tha ber berte awmna ani tih kan hre chhuak chho zel a.Tunah hi chuan Mizo awm pawh kanlo thahnem ve ta hle a ni.Zirna kum alo thar leh ta a zirlaite pawh mahni zirna hmun turah kan bung tan leh ta sang sang a.Hetih lai hian Chennai ah pawh zirlai awm thar kan awm belh leh ta nual a.A kum telin kan punbelh zel dawn niin a lang.
Kan hriat thei chinah kumin a zirlai kan pun belh dan tlangpui chu hetiang hi a ni:MCC ah zirlai awm thar an thahnem ber a,a lo om tawh sa mi 49 bakah mi 31 in an pun belh leh a. MCC-ah Mizo awm zawng zawng zat chu mi 80 vel an tling ta ni.MCC hi Chennai-a institutiion khatah Mizo zirlai an thathnem ber na a lo ni ta bawk.MCC dawtah chuan, Uiversity of Madras Chepauk Campus-ah Mizo zirlai an thahnem ber a. A awm sa mi 7 bakah mi 10 an awm belh a,an vaiin mi 17 an ni ta bawk.
Ethiraj-ah lut thar 5 an awm a,Pro-Music ah 5,LOyala-ah 4,HBI-ah 3,Stella Maris-ah 3,Vel's-ah 2,Pachayappas-ah 1,St.Joseph-ah 8,Nalam School of Nursing-ah 4,SRM-ah 4 vel lut thar an om bawk a ni.Heng zirlai awm thar hriat thei chin kan han tarlan te hi an vaiin 85 an ni. Kuminah hian a tlem berah pawh CMWA member mi 100 vel chuan kan pun belh ngei dawn niin a lang.
as posted on CHHIMBAL. An official organ of Chennai Mizo Welfare Association

Friday, July 27, 2007

CMWA O.B


Chennai Mizo Welfare Association Office Bearers 2007-2008 te chu;

President:Pu P.C Lallawmsanga, IPS.
Vice President: Rev. Remlalfaka, Gurukul.
General Secretary: Tv. C.Lalthansanga, MCC.
Asst. Secretary: Tv. H.Vanlalfela HBI.
Treasurer: Nl. Julie Z. Khawlhring, Chepauk.
Financial Secretary: Nl. Lalramsangi, Chepauk. PIC. L-R Nl. Julie Z. Khawlhring,Tv. H.Vanlalfela HBI. Tv. C.Lalthansanga, Rev. Remlalfaka, Pu P.C Lallawmsanga, IPS.