“Nature has enough to satisfy everyone’s need,but not to satisfy the greeds of even a few.” - Mahatma Gandhi
Ecology (‘oikos’ - in/inchhung) leh ‘logos’ (thu/zir) tih hi German biologist Ernst Haekel a phuah a ni a. Ecology tih awmzia chu thil nunna nei emaw nei lo emaw inkungkaih dan te, in mamawhtawn dante zirna kan ti thei ang. Kan inchhung/chenna theuhah chuan kan nihna tak a lang thin a. Chutah chuan a chengate pawh kan innel a, kan in hrechiang bawk a, harsatna leh lawmna pawh kan tawk za thin a ni. Chutiang chiah chuan kan chenna khawvel hi inchhung angin kan en tur a ni. Ecology hi G-8 summit hnuhnung berah pawh khan agenda sawi hlawh ber a ni a. Heng sik leh sa inthlak hian mu leh mal a nei tawh lo a, mihring dam hun chhung a tawi tial tial ang a, hri tam tak a leng bawk dawn a ni.
India pumpui kan thlir chuan, electronic bungraw chhia paih khawm hi kum khat chhung ringawt pawhin ton 1, 46, 180 laia rit a ni thin! Chennai pawh hi E- Waste tamna a ni. Environment lama mi thiamte chuan E-Waste hian tur (poison) chi hrang hrang 1, 000 vel mihring leh thil nung dangte tana hlauhawm a keng tel an ti lehnghal! E-Waste a ‘Barium’ phei chu lung leh thin tan a hlauhawm hle a, computer chhia, mother board ah pawh hian ‘Beryllium’ a awm a, chu chuan cancer a thlen thei a ni. Heng bakah hian floppy disk a ‘chromium’ te, battery leh computer monitor a ‘lead’ te, alkaline battery a ‘mercury’ te leh a dang tam takte hi mihring hriselna atana hlauhawm vek an ni.
Changkannate hi do mah ila kan do hneh dawn chuang lo. Hei aiin min la nek na tulh tulh zawk ang a, chutah chuan a hman thiam dan tur kan zawng zawk tur a ni. Kan Bible-in “Chawlhni hi mihring tana siam a ni a, mihring hi Chawlhni tana siam a ni lo” a tih ang khan technology hi mihring tana siam a ni a, mihring hi technology tana siam a ni lo, ti ve pawp mai teh ang. Heng thil thleng mek hi kan uipui tui lian thlir mai mai a, kan lo khauphar thawven ve ringawt a nih phei chuan future a bright vak lo mai thei a ni. Kristiante’n abik taka kan puan ven kan sawi chhin a hun ta. Tin, a pawi em em chu miretheiten an tuar nasa ber zel tur hi a ni.
Jeremia chuan “Ram chuan eng chen nge a sun ang a, ram pum pui thlaite chu an vuai ang? A chengate suahsualna avangin ramsate chu an ral zova, savate pawh;” (Jer. 12: 4) Thang leh thar lo awm zel turte tana chenna tlak (inhabitable earth) khawvel hnutchhiah hi kan tihtur a ni.
Subscribe to:
Post Comments (Atom)
1 comment:
You should further this idea especially in/for Mizoram. Our lack of eco-consciousness will soon deplete our already limited resources...Aizawl-where Rambo polythene and pehtreh are still humored-itself is a eco tragedy in the offing.
Global warming being 'an inconvenient truth' may be moot but there are human attitudes and practices that need to be addressed if we are to stewards or 'ebenezers'.
Indeed, AIDS, corruption and the usual litany of social ills are important but your ideas could forge new ways of dealing with the world around us. Look forward to see more on this.
Post a Comment